حصريا علي الروقان اللعبة التي حققت المعدلات الصعبة jade dynast

[ks2]

السلام عليكم اولا
العبة دي اسمها JADE DYNASTY
والعبة نسخه مطبقه من سيلك رود مع بعض المميزات الي مش موجوده في سيلك رود
اولا: مبتحتجش تعمل فرم لان مفروض في كل ليفل ترفع one skill
ثانيا:ال pet مش حيوان بيضرب معاك وخلاص لاء ده كمان بيقوي ضربتك وبيديك مميزات بس لازم ترعيه تاكله وكده
ثالثا: الشخصيات عددها مش كبير بس شمله كل شئ
نبداء في وصف الشخصيات وهما نوعين خير وشر
الخير هما:
1- JADEON: وهو شخصية تعتمد علي السرعة في معاركها سلاحه ONE HANDE SOWRED
SKYSONG-2: هي شخصية مهمتها معالجة باقي الشخصيات ولاكن ايضا ميستهنش بيها في الحرب سلاحه STAF
الشر وهما:
1-VIM: وهو شخصية كانت في الاول تبع الخير ولاكن كبيرهم واجد جوهرة الخلود فحب يحتفظ بيها لنفسه فاصبح شرير وهو شخصية قويه جدا في المعركة لاكن بطئ هو عبارة عن TWO HAND SWORED +BLADE سلاحة بلادي
2-LUPIN: وهو شخصية تعتمد علي السرعه والخفة في المعارك وسلاحة قرص دوار
3-MODO: هو شخصية تعتمد علي السحر والشعوذه قوية في المعارك وماسره جدا وتعتبر اهم الشخصيات الشريره وسلاحه مخالب
وكده خلصت تعريف الشخصيات بس في تلميح صغير كل شخصية وليها بيلد معين فعشان كده انا جبت ليكم كل البيلد بس هدهلكم لما اول واحد يسئل

للتسجيل
https://register.perfectworld.com/register
للتحميل
http://jd.perfectworld.com/download

نيجي بئا للمميزات التي حققت المعدالت الصعبة


1- اول ميزة و اللى اعتقد هتيجى على هوى معظم اللى بيلعبوا Silkroad ... ان اللعبة دى فيها نظام اسمه esper .. و ده بيكون عبارة عن مصدر طاقة بتلاقيه فى ال Quests او ال Drops ... فايدة مصدر الطاقة ده كذا حاجة ..
اولا انه يقدر يتحكم فى الشخصية بتاعتك لوحده و انت مش موجود ... يعنى يضرب الوحوش .. و يلم ال Loot و يعملك Auto Potion ...

يعنى من الاخر كدة .. Bot ...بس الفرق انه شرعى

تانى ميزة ان كل esper ليه قوة مختلفة عن غيره و ممكن يديك Skills تقوى بيها نفسك ..

تالت ميزة و هى ان ال esper ممكن يدمج روحك مع روح ال Pet بتاعك و يديك قوى اضافية على حسب نوع ال esper بتاعك (( هتكلم عن ال pet بعدين ))



2- تانى ميزة فى اللعبة هو نظام ال Pets ... فال Pets هنا مش مجرد قرد يمشى معاك و يلم الفلوس او ذئب يضرب ضربات هايفة مش بتأثر ... لا ده ال pet بتاعك ممكن يكون عامل مهم جدا ليك فى المعركة ... فال Pet بتاعك بيتفاعل معاك من اول يوم تصطاده فيه .. بيتكلم معاك و بيتصاحب عليك و بيقولك نكت و لما يكون زعلان يقولك ايه مزعله و لو جعان ممكن يتخانق معاك ...
بس الاهم من كدة ان ال Pet بتاعك ليه سلسلة مهارات كاملة خاصة بيه ... و مع زيادة اهتمامك و رعايتك ليه ممكن ال Pet بتاعك يتطور شكله و حجمه و مهاراته و تطور ال Pet ملوش علاقة بمستواك انت ولكن ليه علاقة باهتمامك بيه ...

مش بس كدة ... ده ال Pet بتاعك كمان تقدر تندمج معاه و بيديك قوى و مزايا اضافية على حسب نوع ال Pet و على حسب نوع ال Esper ...

بس للاسف ..رغم المزايا دى فيه كمان حاجة لازم تخدوا بالكم منها ... ال Pet بتاعك بيكبر فى السن و بيعجز و فى النهاية بيموت .... و لكن بعد ما يموت بيترك لك هدية مميزة يعبر بيها عن حبه ليك ... كل Pet بيكون ليه عمر معين على حسب نوعه و بعدها يتكل على الله


3- تالت ميزة فى اللعبة ان حاجات ال Item Mall ممكن تشتريها عادى بجولد من جوا اللعبة يعنى مش محتاج تدفع عشان تلعب الا بقى لو انت مش بتعرف تجيب جولد جوااللعبة دى تبقى مشكلة تانية

4- رابع ميزة فى اللعبة هو نظام الرومانسية و الجواز ... فكل ذكر فى اللعبة بيحصل على نصف دبلة ... و كل انثى بتحصل على نص تانى ..

لو الذكر اللى معاه نص الدبلة لقى النص التانى المكمل للدبلة بتاعته يقدروا يدخلوا فى سلسلة من الختبارات عشان يتاكدوا ان هما الزوج المناسب لبعض و بعدها يتم الزواج ..

5- كمان فى اللعبة فيه نظام اسمه Meitation او التأمل و النظام ده بيخليك لو انت AFK و واقف من غير ما تعمل حاجة و انت مشغل التأمل ... تقدر تاخد Exp و انت واقف مكانك من غير ما تعمل حاجة ...

6- اللعبة فيها نظام الوظائف ... ففيه وظيفة صنع اللسحة و الدروع .. و فيه وظيفة صيد السمك و فيه وظيفة تقوية الاسلحة و الدروع و وظيفة تانية اسمه bloodsmelting و لكن معرفش بتاعة ايه

7- كل faction من الخمسة بيبقى ليه حاجة اسمها Skill Tree بتوزع فيه نقاط المهارة على حسب مزاجك .. و كمان بيكون ليك حاجة اسمها Tomes و بتوزع فيها نقاط المعرفة حسب مزاجك ... عشان كدة كل شخصية بتكون مختلفة تماما على حسب ال Skill tree و ال Tomes .

8- فيه نظام فى اللعبة اسمه Auto Route ... النظام ده جميل جدا ليه ... لانك ممكن تحدد للشخصية بتاعتك ال NPC اللى انت عايز تروحله او المكان اللى عايز تروحله و هى اوتوماتيك هيجرى لحد المنطقة اللى انت عايزها مهما كانت السمافة بعيدة ...

9- ال Alliance بتاعك او الجيلد بيستفاد بالحاجات اللى بتعملها فى اللعبة و كل ما ال Rank بتاع ال Alliance بتاعك يزيد كل ما تتفتح ليكم Items و Skills جديدة .

10- اللعبة فيها نظام ال Battle Grounds و ال Siege War لمحبى ال PvP

11- فيه ميزة كمان مهمة جدا هتعجب ناس كتير .. و هى وجود Flying Mounts فى اللعبة دى ... فانت فى اللعبة دى ده تطير و تسافر و انت طاير و كمان تحارب و انت طاير .

12- و على سيرة المحاربة و انت طاير .. كمان و انت على الارض و انت راكب حصانك تقر تحارب و تضرب من غير ما تنزل على حصانك ... فانا النهاردة شوفت مشهد جميل لواحد بيجري وسط الناس بالنمر بتاعه و عماله يطوح فيهم بالسيف و هو فوق الحصان

13- ال quests فى اللعبة كذا نوع ..
- Strory Quests : و دول مهمات بتفهم منها القصة واحدة واحدة .. و كل ما تخلص مهمة هتعرف القصة اكتر .
- Journey Quests : و دول مهمات بيعتمدوا انهم يخلوك تسافر مسافات طويلة عشان تكتشف الخريطة .
-Treasure Hunting Quests :و دى مهمات بتعتمد انك بتتبع كنز و تفضل تجمع معلومات عن مكانه لحد ما توصله فى النهاية
-legendary Quests : و دى مهمات بتكون ضد ال Bosses اللى فى اللعبة
- Clan Chain Quests : و دى مهمات على حسب ال Faction بتاعك
- Exploration Quests : و دى مهمات بتكون داخل ال Dungeons
- Monster Killing Quests : و دى مهمات قتل الوحوش العادية

14- فيه بقى بعض المزايا الثانوية زى انك مثلا تقدر تشوف لبس اى شخص فى اللعبة و تعرف توزيع نقاط المهارة و ال Tomes بتوعه ... و تقدر كمان اى سلاح او لبس جالك جديد اللعبة تقارن بينه و بين اللى انت لبسه عشان تعرف هو احسن و لا اللى انت لابسه ....و فيه كمان حاجة اسمها minigames جوا اللعبة تقدر تسلى بيها وقتك لو زهقت من اللعبة ...

انا مش هقدر اقول مزايا اكتر للاسف لانى لسة بادئ فى اللعبة امبارح فاكيد مكتشفتش كل حاجة لسة



و في النهاية ارجو التثبيت

[Dr Mostafa]

شكرا جزيلا يا مان علي اللعبه

[xzoom]

شكرا ياباشا موضوع مميز تابع

[ks2]

لا شكر علي واجب

[lahzili]

موضوع هائل ننتضر مزيدك يا نجم