منتديات الروقان

العودة   منتديات الروقان > المنتديات العامة > المنتدى العام


المنتدى العام المشاركات المختلفة في كافة المجالات

المنتدى العام

إضافة رد
أدوات الموضوع انواع عرض الموضوع
  رقم المشاركة : 1  
قديم 05-22-2010, 09:14 PM
الصورة الرمزية ZeRO
ZeRO  
ThE kInG

 
ZeRO غير متواجد حالياً








معدل تقييم المستوى: 100
ZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond reputeZeRO has a reputation beyond repute

إرسال رسالة عبر مراسل MSN إلى ZeRO إرسال رسالة عبر مراسل Yahoo إلى ZeRO
Smile35 أفضل الجُمل فى تاريخ السينما المصرية


أفضل الجُمل فى تاريخ السينما المصرية

لما واحد فى سنى يضطر يشوف افلام زى دى, ما تبقاش قضية ضده, ده هو اللى يرفع قضية على المجتمع كله (فتحى عبدالوهاب.. فيلم ثقافى)

- انه الهوان.. الهوان.. الهوان !! (السفارة فى العمارة)

- تفتكر البلد دى معندهاش حاجه تديهالنا.. ولا إحنا اللى مش عارفين نأخد منها حاجه (شريف منير.. قص ولصق)

- اللي يشوف البلد دي من فوق, غير اللي يشوفها من تحت (عادل إمام.. طيور الظلام)

- البلد بقت قاسية أوي علي أولادها يا باشا ( هند صبري.. عمارة يعقوبيان)

- الظاهر ان انكتب علينا ندخل الدنيا دى, وبرضه نخرج منها واحنا مش باينين !! (عمرو عبدالجليل.. حين ميسرة)

- الحكومة مالهاش دراع عشان تتلوي منه (كمال الشناوي.. الإرهاب والكباب)

- لازم تبقى زي الجزيرة يامنصور.. أقرب واحد ليك علي البر التاني (محمود يس.. الجزيرة)

- انت من حقك انك تعترض.. وانا من حقى انى احطك فى السجن (عادل إمام.. المنسى)

- انت بتتكلم مع واحد يقدر يوقف البلد.. ويقعدها !! (خالد صالح.. عمارة يعقوبيان)

- الحرامية لما يتخانقوا مع بعض.. الحكومة بتطلع منها (عادل إمام.. اللعب مع الكبار)

- لازم يكون فيه واحد مسئول, علشان يخلي الباقى مش مسئولين (إمبراطورية ميم)

- شعبى يقول عليا ايه !! (أحمد ذكى.. أيام السادات)

- هي الجيوش العربية هتظهر امتي ؟؟ (محمود الجندي.. ناجي العلي)

- علشان مصر تعيش أغلي الناس بتموت (ماجدة.. العمر لحظة)

- قول ورايا يايحيى.. مصر هتفضل غالية عليا (محسن محى الدين.. وداعا بونابرت)

- الحرب قامت وكل يوم بنضرب ونقتل فى "أعداء الوطن" وإنتوا هنا مش دارين بحاجة (أحمد زكى.. البرىء)

- احنا عندنا رجالة يعرفوا امتي و ازاي ياخدوا الاعترافات (محمود المليجى.. شروق وغروب)

- إنهم جياع يا عظمة السلطان (.. الناصر صلاح الدين)

- أمثالنا هما اللي بيعملوا الدساتير (أحمد ذكى.. أيام السادات)

- كلنا مجرمين وكلنا ضحايا (كمال الشناوي.. الكرنك)

- في بلدنا ابن الظابط لازم يطلع ظابط, وابن تاجر المخدرات بيطلع تاجر مخدرات (كريم عبدالعزيز.. خارج علي القانون)

- إحنا ناس الباطل بتاعهم لازم يكون قانوني (عادل إمام.. طيور الظلام)

- العيب مش فيكوا يابهايم.. العيب فى النظام (برايز.. فيلم ثقافى)

- اللي مالوش أهل الحكومة أهله (راقية إبراهيم.. زينب)

- بلد ايه اللى كنتوا بتحموها.. وبتحموها من مين !! (زوجة رجل مهم)

- الناس الدنيا ساطلاهم من غير حاجة (جميل راتب.. الكيف)

- برضه الانسان انسان!! الخير هو الاصل فيه و الشر هو اللى دخيل عليه (نور الشريف.. آخر الرجال المحترمين)

- اللى زيك لازم يموت.. علشان إحنا نعيش (أحمد ذكى.. أرض الخوف)

- و لكنكم تحرقون أغصان الزيتون (أحمد مظهر.. الناصر صلاح الدين)

- أنا حلمي كان صغير, وفضل يصغر يصغر لحد ما اختفي, ومابقتش أقدر أشوفه (علاء ولي الدين.. عبود علي الحدود)

- أمك بس هي اللي تعرف مين أبوك !! (نبيلة عبيد.. الآخر)

- عيش وسبني أعيش (طلعت زكريا.. التجربة الدنماركية)

- نزل إيدك يا خال دم هنادي بينقط منهم (فاتن حمامة.. دعاء الكروان)

- ماحدش بيتجرح قوي غير اللي بيحب قوي (مصطفي شعبان.. أحلام عمرنا)

- أنا حاسس إن ربنا بيعذبني في الدنيا عشان شايل لي فرحة كبيرة قوي في الآخرة (حسين فهمي.. الإخوة الأعداء)

- الجواز مش للغلابة اللي زينا (أحمد زكي .. الحب فوق هضبة الهرم)

- الراجل اللي يسلم نفسه لواحدة ست, زي الست اللي تسلم نفسها لراجل, مافيش فرق (عبد الوارث عسر.. شباب امرأة)

- ملعونة الست اللي يحبها جوزها وتفرط فيه (تحية كاريوكا.. لعبة الست)

- خلاص كلكوا بقيتوا فتوات..؟ آمال مين اللي هينضرب..؟ (توفيق الدقن.. الشيطان يعظ)

- ما إحنا لو دخلنا الجنة !! مش هنلاقي حد نعرفه !! (عادل أدهم.. الراقصة والطبال)

- إحنا في زمن المسخ (عادل إمام.. عمارة يعقوبيان)

- انا مش شايف في مصر غير بيبان مقفلة (محمد العربي.. حمام الملاطيلي)

- انا مشيت ورا قلبي اتجرحت.. مشيت ورا عقلي اتجرحت أكتر (بوسي.. حبيبي دائما)

- مافيش حاجة مالهاش ذاكرة (عمرو واكد.. جنينة الأسماك)

- الغازية لازم ترقص !! (.. توبة)

- ياما بيوت مليانة رقاصات بس مابيشتغلوش في كباريهات (سامية جمال.. الرجل الثاني)

- اللي اتعود يعيش إله.. صعب إنه يعيش عبد ( خالد صالح.. الريس عمر حرب)

- ابن الجنايني بقي ظابط يا انجي ( أحمد مظهر.. رد قلبي)

- الموت أجبن من البني آدم لأنه بيجي له من ضهره بيجي له علي غفلة ( فريد شوقي.. السقا مات)

- اسكروا.. اسكروا يابهايم (جميل راتب.. البداية)

- جدر البطاطا كان هو السبب (فاتن حمامه.. الحرام)

- إحنا مش صغيرين.. إحنا كبار قوى بس مش عارفين نشوف نفسنا كويس (أحمد ذكى.. اضحك الصورة تطلع حلوه)

- دى عالم ة يا راجل (محمود عبد العزيز.. الكيت كات)

- دقيقة واحدة تفرق يا آمال (ذكى رستم.. نهر الحب)

- الذين يحبون لا يتزوجون (نور الشريف.. السكرية)

- طب ممكن توقفلى قطر (يسرا.. المنسى)

- المجتمع مش غفور رحيم (عبد الوارث عسر.. شباب امرأة)

- لما الواحدة تعوز تعمل حاجة, ماحدش يقدر يمنعها (سعاد حسني.. غصن الزيتون)

- الرجالة مابيحملوش يا عبده !! (خالد الصاوي.. عمارة يعقوبيان)

- واحد مصاحب علي علوكة وأشرف كوخة عايزاه يطلع إيه..؟ (محمد سعد.. اللي بالي بالك)

- جاتكم القرف مليتو البلد (محمد هنيدي.. جاءنا البيان التالي)

- ماحدش بياكلها بالساهل (نجمة إبراهيم.. ريا وسكينة)

- مسيرها تروق وتحلي (أحمد زكي.. أحلام هند وكاميليا)

- الشيء اللي ماينفعش نعمله قدام الناس.. يبقي ماينفعش نعمله خالص (سعاد حسني.. أميرة حبي أنا)

- كل الستات كدابين واللي بيصدقهم المغفلين (نجيب الريحاني.. لعبة الست)

- إحنا عيلة ة وريحتنا فاحت من زمان (سهير المرشدي.. عودة الابن الضال)

- البني آدم لما بيموت.. روحه بتطلع فوق.. وجسمه بيتدفن تحت... وبتفضل سيرته علي لسان الناس (فريد شوقي.. أصدقاء الشيطان)

- ولادك انت هما اللى هايحكموا العالم !! (حسن حسنى.. ليلة سقوط بغداد)

- الرفيقة الدادة أم عطيات الشغالة (السفارة فى العمارة)

- كاننا لا هانعرف بنات ولا هانحب ولا هانتيل نتجوز.. وهانقضى بقية حياتنا كده افلام (فتحى عبدالوهاب.. فيلم ثقافى)

- الظاهر ان الواد هانى ده كيفك (بشرى.. ويجا)

- لا, جماعة ايه ياباشا!! يا باشا انا بشرب حشيش, ومن أجود الانواع (أحمد عيد.. انا مش معاهم)

- احنا بنحلم علشان نحقق الحلم.. اما انتوا بتحلموا علشان تهربوا من الواقع (خالد ذكى.. فتح عينيك)

- يعنى احنا كلنا كده شباب زى الورد قاعدين مستنين الاخ دنجل (الحمار) لما يخلص.. ياعم دول لسه قدامهم
كتير.. كتير اوى (.. فيلم ثقافى)

- أنا مش بني اّدم أنا عزيز (عادل أدهم.. حافية على جسر من الذهب)

- لقد خلقنا لنعترض !! (السفارة فى العمارة)

- كلنا فاسدون.. كلنا فاسدون (أحمد زكي.. ضد الحكومة)

- الورق ورقنا والدفاتر دفاترنا (صلاح منصور.. الزوجة الثانية)

- أحلى من الشرف مفيش (توفيق الدقن)

- الشرف ده حجة الضعفاء والفاشلين (فؤاد المهندس.. أرض النفاق)

- البلد دلوقتى مش محتاجة مهندسين !! محتاجة صيع !! ..... وحرامية ( عادل إمام.. عمارة يعقوبيان)

- انت ليه تسكن قريب.. مادام ممكن تسكن بعيد (أشرف عبد الباقى.. خالى من الكوليسترول)

- لا تناقش ولا تجادل يا أخ علي.. والا وقعت في المحظور (أحمد راتب..الإرهابي)

- الأفكار ليها أجنحة ماحدش يقدر يمنعها توصل للناس (سيف عبدالرحمن.. المصير)

- ممكن الرقصة دى يامدام ؟ طب ما ترقص حد حايشك ! طب ثانية واحدة اروح اتحزم واجيلك (استيفان روستى.. سيدة القصر)

- خلينا كده احسن نتقابل بالليل ونقضى وقت لطيف فى السرير!! هو ده المكان الوحيد اللى ما بنختلفش فيه (علا غانم.. سهر الليالى)

- يعنى معقول الواحد يموت قبل ما يبوس ويحضن وكده يعنى!! حقا داحنا ساعاتها نخش الجنة حتف!! ده حتى ربنا مابيرضاش بالظلم (فيلم ثقافى)

- أقرا وفاة الريس.......... متقال يا جدع (أشرف عبد الباقي.. الحادثة)

- بنأخد فلوس من الحريم ليه.. علشان احنا رجاله ووقفنا وقفه رجاله (سعيد صالح)

- انا مكانى قدامك ياجون.. احنا مكانا الطبيعى قدامك (أحمد عيد.. ليلة سقوط بغداد)

- انت من الاحرار يا علي (كمال يس.. رد قلبي)

- التردد يا عزيزي ايبك.. التردد (تحية كاريوكا.. وااسلاماه)

- دكر البط يدوب!! انا هاخد فتوتة, والعيال فتوتة.. والباقى لابو العلا (سعاد حسنى.. الزوجة الثانية)

- ياعلى اتنين ديابة ماينفعش يعيشوا مع بعض.. يقطعوا بعض !! (عادل إمام.. طيور الظلام)

- اللى يحضر الجن.. يا يعرف يصرفه يا يتحمل آذاه (محمد سعد.. الناظر)

- ادى آخرة الطبيخ الغامق ياطمطم (محمود عبد العزيز.. الدنيا على جناح يمامة)

- اللي مالوش خير في حاتم.. مالوش خير في مصر (خالد صالح.. هي فوضي)

- انتِ ليكى ابن هو كل حياتك.. وانا ليا قلب انت كل حياته (عمر الشريف.. نهر الحب)

- انا مقدرش اكون عين الحكومة على الناس (عادل امام.. اللعب مع الكبار)

- الست إلي تقبل القسمة على إثنين.. ما تلزمنيش (عادل إمام.. طيور الظلام)

- معقول مايوه قطعة واحدة.. طب هما هايداروا ايه.. وهايسيبوا ايه !! (هانى رمزى.. محامى خلع)

- الشيطان شاطر.. و قليل الأدب كمان (سعيد عبد الغنى.. إحنا بتوع الاتوبيس)

- مفيش قانون فى مصر بيمنع الرفق ياحضرة الظابط !! (محمود حميده.. الباشا)

- هم الوزراء والباشوات الكبار, قبل ما يبقوا وزراء وباشوات كبار كانوا إيه؟ حرامية طبعا !! (نور الشريف.. أهل القمة)

- انا مش فى خدمة الوطن!! انا فى خدمة الباشا سيادة اللواء.. وحرم الباشا سيادة اللواء.. والعيال البشاوات ولاد سيادة اللواء (أشرف عبد الباقى.. الارهاب والكباب)

- حقها ولا مش حقها يا بو كمال (نور الشريف.. العار)

- هاتفرق يعنى لولو من أبوللو.. اهو ده اللى بيعقد العيال !! (علاء ولى الدين.. الناظر)

- انا مش تبع حد.. انا رئيس جمهورية نفسى (محمد شرف.. ظرف طارق)

- بقولك انا مش انا يادكتور!! انا كل اللى نفسى أعرفه.. القرد لسه بيتنطط ولا بطل تنطيط (محمود عبدالعزيز.. جرى الوحوش)

- هو الموضوع إيه غير شويه حاجات, وعليها حاجات تانية صغيرة فوق بعض (محمد الصاوى.. جواز بقرار جمهورى)

- نفسى أخرق السما وأملك الدنيا دى كلها (أحمد ذكى.. الامبراطور)

- ياريت كل الناس زيك ياتيتو !! (عمرو واكد.. تيتو)

- معلم.. يامعلم.. توبتنى وبقيت حرامى يامعلم (حسن حسنى.. غبى منه فيه)

- هي دي مصر يا عبلة (.. محمود ياسين)


- أنت خدت فيها ؟ أنا خدت فيها ! كلنا لازم نأخد فيها (أشرف عبد الباقى.. خالى من الكوليسترول)


- عارف الإنسان بيقابل مين في آخر الرحلة..؟ الشيطان..؟ ياريت..! ده بيقابل نفسه (عزت العلايلي.. الاختيار)


- اى حاجه تحصل كويسة.. وحشة حلوه مش مهم.. المصيبة ان مفيش حاجه بتحصل (عادل إمام.. الارهاب والكباب)



- مش المهم إنى بقول الحاجه بشكل مختلف.. بس المهم إنى ماأبقاش قاصد اقولها بشكل مختلف (أحمد حلمى.. آسف على الازعاج)




- كل اللي بيروحوا السينما هيدخلوا النار (محمود حميدة.. بحب السيما)





- طبعا بكتب اللي يعجبني أنا.. امال اكتب اللي يعجبك أنت !! نور الشريف.. حدوتة مصرية


شكلي هقطع دراع معاليكي اليمين..السقا - تيمور وشفيقة


الأقوى دايماً قانونه هو اللى صح..محمود يس - الجزيرة

انا ميهمنيش اموت دلوقتي ميهمنيش اموت بعد ميت سنه أنا يهمني لما اموت افضل محافظ علي مكانتي..أحمد زكى - حليم

عنده شرف؟.. جاته القرف!...عادل أدهم - كلاب الحراسة

عاوزة تخربشيني يا قطة!..عادل أدهم - حافية على جسر الذهب

احنا حنخبط فى بعض بدل ما ندب فيهم ..هدى سلطان - وداعاً بونابرت

انت فاكر انك تقدر تضحك علي ذكي بشكّها؟!...ستيفان روستى - المليونير الفقير

أخيرا الجملة الخالدة التى أفضلها شخصيا


حد ليه شوق فى حاجة يا ولاد ال يا جزم؟...محمود عبد العزيز-إبراهيم الأبيض
عليك لعنة الفلاح" الافوكاتو مديحة"

"عاوز تبقي نضيف الفلوس هي اللي هتخليك نضيف" تيتو

"انا زعلانه أوى من الدنيا يا فاطمة" عن العشق و الهوى

"عاش خاين ومات كافر " بئر الخيانة

"انا جوزى مش يا ماما" سهر الليالي

"البلطجه هي الحل" هي فوضى

"اعمل فيكي ايه بخدودك دى" اسف على الازعاج

"من النهارده مفيش لجنة انا اللجنة" ورقة شفرة

"انا مبعش شرفي يا بيه
يعني انتي هتبقي اجدع من القطاع العام ماهو اتباع انتي مش اجدع من عمر افندى" رامي الاعتصاي

"ميرسي كتير لسه ضاربه كشري" الناظر

"ستنضن الاذاعة المحلية" مدرسة المشاغبين

" دا انجليزي دا يا مرسي؟.. لا دا فيومي" مدرسة المشاغبين

"جدودك دول كانوا فاضيين مورهمش حاجه اللا انهم يخلفوا ويبنوا اهرامات" ثرثرة فوق النيل

"رجب.. حوش صحبك عني" كده رضا

" دا احنا عيلة ميعلمش بيها الا ربنا" العيال كبرت

" ابقى سلملي على جوزك يا اسماعيل بيه" العيال كبرت

"وكمان راس حربه الله يمسيك بالخير يا بيبو" جاءنا البيان التالي

" فوزيه ام رجلين حلوة" السادة الرجال

"بتحب مصر يا علي؟" مسجون ترنزيت

" وبعدين في الولية ورك ال دي باه" اسماعيل ياسين في مستشفى المجانيين

" يالك من شنقيط" اسماعيل ياسين في الاسطول

" وهكذا سقطت لويز" الناصر صلاح الدين

" التراب غالي والضنا غالي" العمر لحظة

" امال فين العروسة؟
ماهي اداماك اهيه يا ابن ارفضي" الانسة حنفي

" غزالون.. يهبلون" الحفيد

" بتعملوا ايه
بحطيلها قطرة" ام العروسة

" انا في الحالة العادية باخد 5 جنيه انما في حالتك دي هديك 5 جنيه" عالم عيال عيال

و المفضلة عندي

" انت جيت شهقة يا رمضان" العيال كبرت


الخرارة جهاز زيه طرف بيتحط علي لسانك .. و التاني طبعا انت عارف فين


خالد صالح - تيتو


حتي السجاير بقت امريكاني

(خالد صالح - فتح عينيك)


الحب ده غريب أوي مش فاهماه ؟
- ما يبقي كداب أبن اللي يقولك أنه فاهمه


منة شلبي - أحمد السقا_عن العشق و الهوي



لو أبويا و عارضني قصاد رجالتي .. كان حيبقالي معاه كلام تاني

( السقا - الجزيرة)



علشان الكل يعيش لازم واحد يضحى .. ابوك قالها زمان و انت قلتها بعديه ... هو ده القانون يا ابن اخوى

( باسم سمره - الجزيرة )


عايشة مع مين .. مع واحد من كتر ما شاف الدنيا على حقيقتها مش عارف يضحك

( مجدى كامل -الحياة منتهى اللذه )


" انا بنتي لازم تطلق بالتلاتة" ماري منيب



انى لم اكن مصرى لو كنت اصبحت قراصنا صولومالي


الجوازة دى مش لازم تتم

جملة اتقالت فى 95 % من أفلامنا العربى



انا شريف يا بيه ،، انا بتاع الدعارة يا بيه

احد المعتقلين لرشدى اباظه فى فيلم وراء الشمس

طلقنى طلقنى طلقنى

كل الافلام


ياما أنتوا متنعمين يا أهل البندر" ....علي الشريف - تعليقاً على سندوتش الطعمية اللي بعيش قمح

عايزني أكسبها ؟؟؟!!!!!!!!!!! "......محمود المليجي- " أسكندرية ليه " ...و تعليقاً على أنتخابات الرئاسة في مصر


يمكن لو اتجوزنا فى حل من اتنين اننا ننجح او نفشل لكن لو ماتجوزناش مفيش غير حل واحد بس انى جايه أحضنك

علا غانم - سهر الليالى


يوم فى خيال روما ، اهم عندى من جيل كامل فى واقع ليبيا ، هذا هو سر قوتى

جراسيانى \ عمر المختار


يعني أطلقك وهتسيبني أنام
-أه
- طب إنتى طالق

فيلم الشقة من حق الزوجة .. محمود عبد العزيز ومعالي زايد



بشجع المختلط مع انه بيتغلب كتير اليومين دول" _ صبحي في لعبه الست



أسألك سؤال... و لا ينرفزك... و لا يعصبك ؟

هنيدى - جاءنا البيان التالى



اهل مين ياعم ، هو لو فيه اهل كان ايه يخللى الولايا يتلطموا ؟

بواب بيت احمد مظهر ، لخال امنة و هنادى ..دعاء الكروان



الحرب قامت وكل يوم بنضرب فى أعداء الوطن وإنتو هنا مش دارين بحاجة

احمد زكى - البرئ



ملعون ابو الفقر

عادل امام - الحريف



وظل حنينى لأرض الخوف

احمد زكى - ارض الخوف






من فيلم ( ثرثرة فوق النيل )

( البنت تحب الواد الحليوة .. و يتفقوا عالجواز .. و تيجي ليلة الفرح تكتشف انه اخوها في الرضاعة )

( لو كانت جت من تلاتين سنة ! .. استغفر الله العظيم .. سامحني يا رب )

( رجب .. رجب .. حوش صاحبك يا رجب )

(ان كنت انت خاين .. فانا اعرف ازاي احافظ على شرفي ) .. بعد ما رجعت من عند اتنين رجالة !

(( هي تيجي العوامة مرة واحدة و انا ابطلها الجد ده )

(الماظية برضه بتركب اوتوبيس ؟ .. يا بختهم اللي بيركبوا معاكي يا روحي )

( ان الاشتراكية ايها الوزراء .. تعني سيارة ملاكي سبعة متر لكل فرد من افراد الشعب )

( الطقم ده ب60 جنيه .. الجزمة ب15 جنيه .. الحلق بسبعة جنيه بس و الله
- و ماهيتك كام يا روحي ؟
- 17 جنيه )



صلاه النبى احسن اه
توفبق الدقن ابن حميدو




لا يسلم الشرف الرفيع من الاذى حتى يراق على جوانبه الدم
غبدالفتاح االقصرى ابن حميدو

( - استاذ رجب .. جملة الطشت قال لي بترمز لايه ؟
- هي بترمز لانقطاع المياه في الادوار العليا
- ده الفن الهادف اللي بيعالج مشاكل المجتمع )

( - قول لي يا عم عبده .. تعرف ايه عن عيد الهجرة ؟
- ده اليوم يا بيه اللي هرب فيه النبي م الكفار
- الظاهر النبي راح المدينة .. و الكفار جم عالعوامة هنا )

( يظهر ان المشرع كان صاحب مزاج زينا )

( اجدادك دول كانوا فاضيين اوي .. ما وراهمش حاجة .. يخلفوا و يبنوا اهرامات )

( امال التاريخ تاه عن الواقعة دي ازاي
- ماهو التاريخ راخر مسطول )

( على العموم يا بختها .. ماتت شهيدة و ضمنت مكان في الجنة
- يعني انت تبقى صاحب فضل عليها ؟
- طبعا )

( - النبي لما هاجر نشر الدعوة .. انتوا بقى لما هاجرتوا عملتوا ايه ؟
- عملنا اكصدام )

( انتي عارفة الفلاحة ماتت ليه ؟ .. عشان كت ماشية فايقة )

( - اللي عايزة تتعلم التمثيل لازم تجرب كل حاجة
- كل حاجة ..
- احنا يا روحي من غير ما نمثل و جربنا )

( الجماعة دول مزعجين .. ما قدامهم طول النهار .. ما تحلالهمش الغارة الا دلوقتي )

( اسمع .. اوعى تغرر بيا في الضلمة .. انا اصلي بريئة و ساذجة )

( لو كنت بتحبني بلاش ، انا لسه ...
- كده ؟ .. معلش .. بكرة تكبري )

( - شايف كل حاجة مقلوبة و عريانة
- نفسي أبقى كده يا علي )

( - انتوا بتشتروا المخدرات دي منين
- م السوق الحرة بالعملة الصعبة
- دي مشكلة .. لازم الصحافة تثيرها بدل التجار ما يستغلونا .. و اصولهم يوزعوها في الجمعيات الاستهلاكية و بالبطاقة
- ايوة .. عشان ساعتها تبقى وزارة التموين و الشرطة في خدمة الشعب )

- الفلاحة ماتت و لازم نسلم نفسنا

- انتي اصلك ما دخلتيش دنيا .. ولا دخلتي و بتستعبطي



كت معايا فى الشنطه
عبله كامل وجهه نظر
والله ما بتفرق معانا الاسماء
محمد صبحى وجهه نظر







أتمنى يكون التوبيك عجبكم و الكلمات أفتدكم بشئ


و شكرا

من مواضيع ZeRO في المنتدى

قديم 05-22-2010, 11:22 PM رقم المشاركة : 5
ZeRO  
ThE kInG

الصورة الرمزية ZeRO









ZeRO غير متواجد حالياً


إرسال رسالة عبر مراسل MSN إلى ZeRO إرسال رسالة عبر مراسل Yahoo إلى ZeRO

افتراضي رد: أفضل الجُمل فى تاريخ السينما المصرية

اقتباس:
المشاركة الأصلية كتبت بواسطة سقرط مشاهدة المشاركة
موضوع جامد يازيرو كالعاده
البلد بقت قاسية أوي علي أولادها يا باشا ( هند صبري.. عمارة يعقوبيان)
مات الكلام على كده (سقرط)
ربنا يخليك يا سقرط
بس فى فيلم اي مات الكلام على كده هههههههههه (سقرط فوق الشجرة )
نورت يا غالى






من مواضيع ZeRO في المنتدى

إضافة رد

مواقع النشر (المفضلة)

أفضل الجُمل فى تاريخ السينما المصرية


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

المواضيع المتشابهه
الموضوع كاتب الموضوع المنتدى مشاركات آخر مشاركة
اجمل افيهات السينما المصرية !!$$$$ مكسيمو ريمو منتدى المهيسين فى الأرض 8 05-17-2012 06:47 AM
من أفضل مصارع في تاريخ المصارعة ramo watson قسم ارشيف المصارعه 32 11-29-2010 03:00 PM
تاريخ عملتنا المصرية ΘłĐ.ђξЯỢ صور × خلفيات 8 12-14-2009 09:21 PM
اتحاد الكرة يكرم حسام حسن بعد اختياره أفضل لاعب في تاريخ إفريقيا يوسف مصطفى احمد منتدى الكرة المصرية والعربيه والافريقيه 2 08-18-2009 05:51 AM
أفضل الأهداف في تاريخ كرة القدم!! لا تفوتوا الفرصة !! mahmoudnagahsaid منتدى الكرة العالمية 1 07-22-2009 03:36 PM


جميع المشاركات المنشورة فى المنتدى لا تعبر عن وجه نظر الإدارة
لطلب الإعلانات admin@rwa2an.com (ليس لدينا ايميلات اخرى للتعامل)
Please dont post any copyrighted materials like cracks , serials , nulled products .. ETC

الساعة الآن 04:24 PM.
Powered by vBulletin, Jelsoft Enterprises Ltd

جميع الحقوق محفوظة لمنتديات الروقان، عالم من الإبداع